"...Sebab Kau Pun Buat Orang Begitu"

Pernah terjadi, customer sia ni kasi tinggal produk2 dia harga dekat RM200, and then ada la ni satu Ustaz yang happened to see the products. Sia info dia juga la yg product ni customer punya, in case sesuai dengan service yg dia bagi. Guess what, dia ambil semua products tu yang sepatutnya adalah sample, and then dia nda pernah muncul2 lagi. Hahahaha. Ya ampun, insaf sia sama perangai tu Ustaz. Then sia kasi biar ja dia dulu dengan harapan dia akan kasi balik. Then berbulan2 sudah berlalu, dia senyap ja. At least return la tu benda ba kan. Kalau dia sudah pakai, terpaksa la dia bayar sebab tu produk teda kena mengena sama sia. Tu customer ja paksa display in case ada yg berminat. So, memandangkan sia terpaksa responsible sama tu barang2 yg kena ambil, sia terpaksa la bikin cara sia untuk minta balik tu barang. Dia nda reply2 juga SMS sia masa tu.

Until one day, sia guna ayat yg teda sudah sopan santun. Sampai limit sudah sia. Sia cakap dalam tu SMS, Kau pun org bisnes kau sepatutnya tau adalah kalau kau ambil barang org, kau mesti mau bayar. Ni benda paling basic dalam bisnes. Yang kau ambil tu adalah hak org lain. Kalau nda pun, kau return ja tu barang, walaupun berbulan2 sudah tempat kau. (Ganas juga ka bunyi dia? Hahahahha. Something like dat la kali tu SMS sia). Tu la sia paling malas mau terbabit dalam hal macam ni sebab nda pasal2 sia pula ugut mengugut atas dasar tanggungjawab kununn. Mengugut la mangkali. Versi pokemon. Hahahaha. So rupanya dia tersentak dengan SMS tu. Dia cakap, Sorry2, nanti sia datang sana bayar. Nahhhh. Berbulan2 dia ambil dan pakai barang orang tanpa bayar satu sen pun, and u call yourself Ustaz yang siap berkopiah, memang rupa alim la walaupun masih muda. 

So akhirnya dia datang dengan muka seposen, minta sorry, Jangan kau marah bahh, dia bilang ah. Hahahaha. Masalahnya tu benda bukan barang sia. Macam sia pula yg nda buli dipercaya gara2 ada orang macam ni yg "stangah tiang". Hahahahaha. Sorry la. Kalau setakat alim2 kucing untuk dipandang tinggi ja but benda2 gitu pun nda lurus bikinan dia, sama juga teda erti. Then guess whatt.  Kes Ustaz ni kan buat sia terfikir. Actually untuk someone like him, having someone like me pegi SMS dia cakap benda2 gitu, is quite memalukan dan menjatuhkan air muka dia bah. Tapi dia nda kisah dan dia seolah2 nda hairan punn.

Macam dia biasa sudah kena maki2, kena ugut2 gitu. Then sia teringat one time sia pernah cerita sama dia pasal hal2 begini. Dia cakap kalau ada orang ambil hak dia, DIA BIARKAN SEJA. Wahh, bunyi macam warak semacam. Kira macam dia anggap ja bukan rezeki dia la ba tu kunun kann?? Baru sia teringat dat conversation with him selepas benda tu selesai. NO WONDER LAH. Masalahnya, itu bukan lesen dia bikin benda yang sama dengan orang lain!! Orang entah sepa2 ambil barang kau, and kau expect kau pun buli ambil barang orang and orang tu better pasrahkan jaa. Ndaka gila tu? Apa ideologi kau ni boss? Hahahha. Sia ingat sia tanya, Kenapa pula kau kasi biar ja? "Sebab sia tau sia pun bukan sempurna. Mungkin sia pun ada bikin salah. Jadi kalau ada urg buat sia gitu, sia anggap ja balasan kepada dosa yg lampau." Ya betulll, ngam sudah tu boss.  TAPI itu kalau org bikin kau, dalam pada kau sudah usaha buat urusan dengan jujur dan telus. Bukannya untuk kau guna tu concept yg sama, berbuat kejahatan dengan org lain yg nda guna pun ideologi kau tu, FAHAM!! Hahahahahaaha

Kamu tau apa yang sia dapat simpulkan dari sana? Sebenarnya, benda2 jahat yg orang sampai hati buat dengan kita dan kita buli terima dengan pasrah, SEBAB kita pun tau kita nda segan bikin benda jahat tu dengan org lain! Tapi kau silap urg ooo. Bukan semua mangsa kau tu bikin perangai jahat yang sama dengan org lain. So it's not fair. Nda pasal2 kau bikin kifarah kau sendiri. 

So bila kita reflect dalam diri kita sendiri, banyak juga benda jahat org bikin kita yang kita actually sudah pernah bikin sama org lain. Contohnya, kau pernah menghancurkan hati seseorang yg sayang kau, and then one day tanpa disangka, orang yg kau sayang pula hancurkan hati kau. Mesti kau sudah bersedia kan? Atau awal2 ja kau terkejut dan terduduk. Tapi lepas tu bila kau ingat kau pernah bikin benda yg sama, terus kau just pasrah dalam hati. 

Sampai bila la kita mau begitu kan? Berbuat jahat2 and then tunggu kebalikan ja and then kita pasrahhh dan terima. Hanya sebab kita yg cipta karma tu dari awal kan? Ui stop la ehh. Sia sendiri pun banyak buat silap juga tapi buli kali kita kasi Bersih tu karma kan? Kalau ikut tu cerita drama, tu karma buli ditebus dengan berbuat kebaikan. Jadi mungkin one day kau mau juga kasi sama level kejahatan kau tu, dibalas dengan kebaikan yg sebegitu besar. Maksudnya untuk kau tebus satu kejahatan yg besar, kau punya sacrifice untuk buat satu kebaikan tu mesti lebih hebat sampaikan kau kapus2 sudah dekat nda larat. Tapi kalau ada niat mau kasi bersih karma tu, kau akan buat juga. Sampai bila lah kita mau menabur kejahatan kan? Malas sia mau preach2 gini macam ulang2 ja. Tapi kalau sia berani tulis gini, manatau sia malu sudah mau buat jahat nanti kan. Bahhh mula la bah kita buat kebaikan. Ndakan nda jara2 lagi kita kan. Do something good today and it will come back in 10 folds!!

I Do Care About You...

Source: https://www.jarofquotes.com/

Nampak ja sia gini ni kan, sebenarnya sia care sama kawan2 sia walaupun sia bukan jenis yg akan cakap Sia miss kau ooo. No I'm not that type yg expressive sama kawan2 real life sia. Tapi kalau kawan2 online buli lagi kau nampak sia tulis gitu2 punya. Tapi camana pun, Realitynya I Do Care about them. Walaupun nampak macam sia jenis yg selfish, nampak macam sia nda generous sama kata2 membodek, but deep inside, sia mau yg baik2 ja untuk kawan2 sia.  

Semalam tiba2 sia tergerak hati mau Check out on my friends, tiba2 sia pandai inbox di Fb tanya khabar, Kau ok juga situ? Apa la kau bikin masa MCO ni? Hahahahaha. Skill sia mau buka cerita sebab sia tau ada kawan yg hilang kerja, ada yg teda kena bayar gaji, manatau dorang sedang tertekan kan? I know the feeling. So sia mau check out on them make sure dorang okay. 

Reason? Purely because I want them to be fine. I want to know they are okay. Lepas tu sia tanya la ada apply BPN ka? Ada juga kau dapat? Benda2 gitu. Sebab masa biasa2 pun biasa kita dengar org complain pasal duit kan. MCO ni mencabar sebenarnya depending on situasi kita di rumah. Baru tadi sorang kawan cakap laki dia ugut2 bawa cerai. Maki2 dia. Sia sedih o dengar dan risau juga. Sia cakap ja sama dia, "Sia harap laki kau bangun esok pagi hati dia lembut dan layan kau bagus2. Dan begitu juga sama kau". Entahlah. Life has been rough lately kan. Kita semua sedang usaha mau survive. Sometimes sia sendiri pun rasa a bit messed up juga but I'm trying my best. Satu kegembiraan dalam hati sia kalau kawan2 sia pun survive dengan cara dorg sendiri. Bila dorg cakap dorg okay, satu kelegaan dalam hati sia. 

So guys, dalam keadaan kita gini, rajin2 la check out on your friends. Mana la kita tau itulah penghiburan yg dorang sangat perlukan saat tu kan. Mimang nda la banyak yg buli ditulung tapi setakat tanya khabar, mungkin besar ertinya untuk kawan2 kita tu. Sia akun juga lahh. Friends will always have a special place di hati kita. Lets care about each other sebab bukan semua orang mau jadi kawan kita. Dorang bukan satu bumi banyaknya. Dorang hanya ada beberapa kerat ja. Rest assured, we can care for each other. We sure can.

Macam sia miss juga ingat time2 kami lepak2. Cuma sia rasa masa sia buli lepak, sia sudah lepak semahunya. Nda juga sia menyesal inda melepak berabis sama dorg when we had the freedom. Sangat nda menyesal especially bila sia tinguk balik video2 kami outing. Cuma tu lah, sia mau make more memories with them. Oh Covid, please just leave and let us live our lives again. Stay safe, my friends.

Perempuan Banyak Cakap

Source: https://merriam-webster.com/

You know I'm gonna talk about myself ba kan? Hahahahaha. Sia geli hati bila terfikir pasal tajuk dia tu. Tergamak la ba sia mau cakap gitu sama diri sia sendiri. Ya, but camana juga kalau reality? Hahahahaha

Sebenarnya, apa yg bikin orang banyak cakap ni, I think pasal begitu banyak juga la dalam kepala dia. In my case, YES. Cos too many things yg berlumba2 mau keluar so I have to catch up. Kena la sia cepat untuk bubut tu words yg bertumpahan dari kepala sia. Hahaha. But I'm not sure about org lain lah. Can I speak on their behalf ka? Maybe nda la kali. Lets just speak about me la. Fair enuff. 

Sia kan org yg banyak fikir. Sentiasa fikir dan cari benda baru mau fikir. Bermacam2 soalan, bermacam2 hipotesis, bermacam2 andaian dan seribu satu macam lagi. So imagine baa, kalau sia bercakap sikit, sia mampu ka simpan begitu banyak thoughts? So how I talk is the reflection of how I think actually. Semalam sia try take video of me talking spontaneously pasal my new activity terjebak dengan Virtual Run. Terus sia tinguk tu video kan, and buat sia terfikir, Is it so bad ka jadi perempuan yg banyak cakap ni? Well, it's not like you choose to be that. You're born with it bah kan. Tapi sia punya perangai banyak cakap ni bukan semua org akan nampak. Kalau kau tinguk sia dari jauh ja, you won't know. Buli jadi kau nampak sia 100 kali pun kau belum pernah dengar lagi suara sia. I can meet you and have the first conversation, and you can hear sia cakap sepatah2 ja. Jadi sia buli cakap ka kalau sia teda hal sama kau, kau nda sempat pun "didera" dengan perangai banyak cakap sia ni. Kira kau selamat lah. Hahahaha.

Cos ramai juga yg fikir sia sombong dan nda suka bergaul. Maybe juga la. Tapi sombong is not the word. It's not like sia mimang berniat mau buang muka sama semua org. Tapi perangai banyak cakap yg pakej dengan banyak fikir ni, sia terima dua2 kelebihan dan kekurangan yg dia kasi sia. This morning I had a "Listening booth" session sama bestie sia ni. Berabis dia meluah pasal benda2 yg dia nda puas hati di rumah dia. Actually not fun pun dengar benda gitu. Sebab dia sudah kenal mentua dia 12 tahun and still she talked like she didn't know her. Macam perangai2 tertentu pissed her off and stuff like that, nda pasal2 sia kena dengar tu semua. It's like, 12 tahun bukan enuff untuk kau deal sama perangai org tu ka? So kerja jadi Listening Booth ni, menyebabkan sia kena turun padang berfikir. Dan sia jenis pendengar yg nda segan2 menentang kau. Contohnya, "Don't you think kau yg over react ka ni?" Hahahaha. That's one. Another one is when dia minta idea utk project baru dia. Camana convenientnya untuk dia minta opinion sia (berkaitan online shopping platforms) and sia buli kasi dia details dan comparison. Maybe dia terkejut yg sia ada begitu punya analisis dalam kepala sia. I bet, bukan juga senang dia mau cari org yg buli dengar dan give her opinion. Most of them might be too lazy to think. So if you ask me, sia akun itu kelebihan sia yang satu pakej datang sama perangai banyak cakap yg sebaliknya adalah kekurangan sia. Jadi sia terima Pakej ni secara rela hati ( it's not like I have a choice kan...hahaha) Tapi lumrah alam.  Mesti kau diberikan kekurangan di sebalik kelebihan kau.

So speaking of perangai banyak cakap sia ni, bukan ramai buli handle sia actually. Ada yang buli handle sia pada peringkat permulaan ja but last2 they give up juga. Hahahaha. So what I can do is, I talk as much as I listen. Biarpun sia banyak cakap, tapi sia mau dengar juga apa org lain cakap. Maybe juga ada masa yang sia nda kesabaran mau cakap sampai sia putung ja kau cakap gara2 sia takut terlupa benda yg sia mau cakap tu. So perangai ni quite menjengkelkan actually. Bukan nda pernah berlaku la, awal2 org akan sukaaa bercakap sama sia sampai mau dengar suara sia hari2 pun buli, but after a while it gets tiring with trying to catch up dengan speed sia bercakap. Banyak cakap and then laju lagi bahhh! Hahahahah. O gosh sia pun give up o kalau jadi kamu. Hahahaha

Anyway, sia nda expect juga la yg org akan buli terima ni perangai. I try to tone down juga. Tapi siok juga ada perangai yg nda buli diterima oleh ramai orang...which means yang sorang dua yg dapat accept sia tu adalah SPECIAL. So kepada segelintir my little circle yg can stand me, sia selalu puji2 dorang ni dalam hati. Hanya mereka2 yg betul2 magnificent ja buli terima personality2 yg hyper dan bikin panas ni. Hahahaa. Jadi nda susah mau bezakan. Anggap seja the majority memang cannot handle. Senang kerja sia kan? Hehe

So to these people...Thank youu. Sia nda juga heran la ada juga yg appreciate sia punya perangai ni. Why sia nda heran? Sebab sia percaya wujudnya sisi baik setiap perkara yg nda baik tu. Sia percaya Tuhan berlaku adil pada kita semua. Kalau sia dibagi perangai ni, mesti ada la tu yg God sudah bagi sia perangai lain yg betul2 satu kelebihan di mata org lain. That's whyy sia terima dengan hati terbuka dan sometimes make fun of it. Daripada sia mau deny 10 ribu kali, teda juga faedah kan? Bagus akun sejaaaa! LOLS. Sorry la sarcasm sia sometimes memangsakan diri sendiri juga. But it's okay. Welcome to adulthood urang bilang. Hehe.

"Because Of That One Rainy Day"

Source: https://weheartit.com/

Kamu ingatkah kebaikan orang sama kamu? Biasanya kita lebih ingat kejahatan dorang kan? Melainkan ada satu kebaikan yg cukup special yg ambil space yang special juga di ingatan kau.

Kalau last post sia cerita pasal satu kawan, yg ni another friend yang nda berngam sama tu kawan. But kami ngam and di awal friendship kami, she was sort of really into making friends with me sebab kami almost sebaya and she often mentions about the good vibe that I have and other positive things that she finds in me. If you ask me, kami actually quite berbeza. Maybe pasal background dia yg a bit kucar kacir sebab dia migrate pi Malaysia and kawin org sini, education yg tidak sampai ke peringkat tinggi, sometimes kami ada communication problem sikit sebab banyak benda yang sia cakap dia tidak begitu faham. Tapi camana pun, survival dia di negara orang tu bikan dia "street smart" dan pintar jua menilai manusia. Nda juga buli pandang dia ni sebelah mata lah.

Tapi biasa lah. manusia kan nda sempurna. Of course masing2 ada defect tersendiri. Ada a few weaknesses dia yg mungkin remeh di mata org tapi tetap org nampak. Among others are, jenis yg terlampau senang pinjam hak org sama ada duit atau harta benda and then berlambat2 kasi balik. Perangai ni sia mimang nda suka sebab sia bukan jenis gitu. Perangai dia ni banyak bikin masalah sama dia, dan akhirnya datang mengadu sama sia bila org buat dia benda yang sama. So cara sia educate dia adalah dengan set example, selalu pulangkan barang yg kita pinjam tanpa berlengah. Bila dia nampak rentak sia, dia pun nda berani buat sama sia. So it's a good sign la kan. Lain2 hal tu maybe terlampau remeh juga so sia nda payah mention. Tapi kebaikan dia ni, sebab dia give effort untuk jadi kawan sia, dia jenis yg Mau dengar apa yg sia cakap. Dia buat sia rasa kawan yg berguna dan buli diharap. Dia selalu juga share makanan sama sia walaupun sia nda minta. Dia sanggup angkat mineral water yg sia kirim dia. Dia nda kisah kirimkan makanan. Dia jenis gitu. Hal2 gitu dia senang runding.

Tapi ada satuuu hari yg sia betul2 ingat. Kami pi makan di satu kedai nasi ayam. Lepak cerita2, and then nda disangka hujan kuat. Kuat yg kuat betul dan ndamau berenti. Sedangkan building kami tu cuma perlu larian 20 langkah untuk sampai, cuma akan basah. Dia mau redah ja hujan tu tapi dia tau sia akan basah. Dia tidak akan tinggalkan sia dalam situasi gitu (but if you ask me, I might leave her there sebab bukan jauh bah kan, in case sia ada benda urgent). You guys know apa dia bikin? Masa tu dia pakai jaket jeans, dia buka tu jaket and gave it to me. Nahh kau pakai ni jaket bikin lindung. Sia ok ja sebab sia pakai tudung, she said ah. Sia tergamam kejap. Like, Eh you don't have to do this bahh. Dia cakap, Pakai jaa, kejap ja kita lari pi seberang ni. So kami redah la hujan lebat tu dan basah habis tu jaket dia. Sia cakap, Nahh basah sudah jaket kau. She said, Ndapa bah tu apa jugaaa.

So fast forward to today, kan kami sudah nda jumpa almost two months. Kami selalu wasap juga sebab sikit2 hal pun dia akan wasap sia sebab she knows sia paling tau dan faham selok belok hidup dia sana. Sia tau dia kesempitan kewangan buat masa ni sebab bisnes nda jalan. Dia kena bayar sewa rumah sebab laki dia nda kerja. So bila sia tau ada geran yg boleh dipohon, sia suruh dia apply. Tapi kan dia ni tidak begitu celik IT kalau sudah bab2 yg formal. Ada lambat pikap sikit. Sudah berapa lama sia suruh dia. 1 minggu berlalu. Still tidak berjaya. Esoknya, sia tanya lagi. Ok sudah? She said, Belum ooo. Nda dapat masuk. Sia kepelikan la bah. Sebab sia bikin senang ja. So sia bosan dengan alasan2 dia yg nda ke mana tu, tiba2 sia terfikir, Sia mau tulung dia bikin ka ni ah? Benda tu buli sia tulung tapi leceh dan banyak benda sia kena tanya dia dan sia malassssss actually. Lagipun benda gini, ndakan la setakat tu dia nda buli bah. Sedangkan fon di tangan 24 jam baca cerpen, buli pula. Sia2 ja ada fon canggih, berjam2 di internet sampai kerja nda jalan, lepas tu bila benda2 yg melibatkan faedah untuk kerja dia, macam tu pun ndatau bikin. Nda mau belajar. Banyak alasan. Paling2 pun dia akan cakap, Kau lain bah, kau sekolah tinggi. What the heck punya alasan2 gitu. Sia sebenarnya mau membebel sama perangai2 kawan2 sia yg LEMBABBBB betul. Urang sudah kasi info, banyak alasan lagi. PEMALASSS. Pas tu bila tinguk urg lain naik, Alah kau mimang orang senang bah. Sia ni apa juga. Alah kau lain laa banyak urg tulung. Nahh keluar semua ayat2 begitu. Bila mau maju kan? Tapi dalam tempoh MCO ni, sia mau melayan lagi kelembapan dia yang entah sampai bila, sedangkan sia ada resource yg serba serbi cukup. PC depan sia besar2, sia tinggal type ja and buli ja sia paksa diri tulung dia. But balik2 sia denied sebab sia mau dia berusaha dan ambil tanggungjawab sebab gitu la orang dewasa ba kan?

Entah kenapaa, sia tiba2 teringat peristiwa that rainy day yang dia sanggup kasi pinjam sia jaket. Tiba2 sia nekad, OK SIA TULUNG DIA BIKIN. Then sia wasap dia kasi sia semua details, nombor itu ini, semua lah, walaupun leceh, sia tetap hadapp. Dan tiba2 sangkut di bahagian email. Pun dia ambil masa mau setengah jam mau reply sebab dia mau tanya laki dia dulu sedangkan laki dia pun slow semacam. Aduiiiiiii. Kamu tau kan gaya sia? Mimang pun sia pot pet mau memaki...Hahahahahaha. Sudah la sia bagus2 mau tulung kau bikin gaya diva lagi sana. So lepas setengah jam, sia meradang terus sia pi register email untuk bisnes dia sebab sia rasa nda berbaloi untuk sia menangkan ego sia ni sedangkan masa sia terbuang. So walla, DONE! Berabis dia thank sia kunun. Hehe. Dia tau tu sia marah2. Hahahaha. She definitely knows sebab dia tau dia sudah kasi panas sia sebab lambat kasi email. Dia akan mengaku 10 ribu kelemahan dia yg buat sia marah masa tu. Buli ja sia cakap Alah sorry la kau lambat. Nda dapat proceed sudah. Kamu buat sendiri. Nahhh. Tapi sia nda bikin gitu because of what?? Seteruk2 dia, dia pernahhh sanggup buka jaket dia supaya sia nda basah redah tu hujan. Kamu percaya sudah kalau sia cakap sia akan ingat kebaikan tu? Ya dan sia akan balas balik di mana sia mampu. Sepa tau yg satu kebaikan yg dia bikin tu mungkin sudah balik2 menyebabkan sia sanggup korbankan sikit keselesaan sia asal dapat tolong dan mudahkan dia.

So kesimpulannya di sini.... 1 Kebaikan punya cerita, akan menyebabkan kebaikan yg berganda-ganda akan balik sama kau. PERCAYA LA sama hukum ni. Sia sendiri duduk sini dan mengakui yang berapa kali sia balas pun sia tetap akan mau balas lagi selagi sia mampu. Semua gara2 kebaikan yang itu ja. Amazing kan percaturan dia? Hehehe. So now you know. Banyak2 la bikin kebaikan. Sepa tau bilaa kebaikan tu akan berbalik sama kita. Like Boomerang :)

Don't Throw Stone At Her!

Sia ada satu kawan yg nda ngam sama semua org keliling dia. Jadi di building tu almost teda kawan dia. Dia sentiasa ada issue. Tanpa gaduh sama dia pun dia buli nda suka org tu atas sebab2 yang remeh, contohnya sebab dia nampak org tu nda senyum sama dia. Just like that dia akan cakap, Aku nda suka betul tinguk org tu tau. Nahhh. So buli dikatakan, sia ja kawan dia di building tu. Kamu sendiri tau kan sia ni bukan jenis org yg kawan semua org. So you cannot say yang sia kawan sama dia ni  sebab sia memang mau kawan semuaaa orang. NO. Sia buli ja biar dia mind her own business and I mind mine.

I have advantage over her sebab sia ja kawan yg dia buli bawa cakap. Itu pun pernah dia nda tegur sia 2 minggu sebab dia kecil hati apa yg sia cakap pasal suruh dia kawin cepat sama bf dia. Tapi dia buli berbaik sama sia balik just like that, unlike pergaduhan sama kawan2 lain yg dia tidak sekali-kali tunduk dan minta maaf. You guys know how I did it? I'll tell you in a bit. Kadang2, kawan yg bermasalah macam dia ni, kau cuma have to give Extra Love jaa sebab dorg lebih memerlukan daripada kawan2 yg tidak bermasalah.

Pasal tu laa sia sentiasa tidak kasi tinggal dia kalau ada info2 terkini. Walaupun ada kemungkinan info yg dia ada, dia nda semestinya bagitau sia. Kalau ada peluang untuk kebaikan kerja dia, sia akan bagitau dia setiap benda supaya dia pun buli apply. Actually sia tau, dia ada sedikit "tersentak" juga sebab maybe dia tauu, kalau dia, dia nda akan buat macam sia buat. Selepas apa yang dia buat sama kawan2 yg lain, dia tidak peduli org lain. Bagi dia itu rezeki dia kalau cuma dia sorg yg tau. Tapi sia buktikan yg rezeki tu boleh dikongsi. Dan sebagai bukti, dia dapat hasil lumayan daripada info yg sia kasi. Nda kisah la kalau dia nda ucap thank you sama sia, sebab bukan itu tujuan sia. Sia cuma mau kasi tinguk dia, walaupun she deserves stone to be thrown at her, I will throw her flower pot.

Sia pernah nampak dia cakap terang2 yang dia tidak sudi tolong kawan2 lain walaupun as simple as terima barang Pos Laju. Dengan alasan, Dorang senang2 shopping, orang lain yg sambut. Aku dapat apa? So sia faham pendirian dia gitu. Sia pun sometimes rasa terganggu kalau balik2 tolong sain barang org lain sedangkan tuan punya dia tu saja2 lambat2 datang sebab ada backup. So sia elak untuk barang2 courier sia sampai bila sia teda sebab sia ndamau kasi dia peluang buat benda tu sama sia. But guess what? Dia tidak sampai hati. Barang2 sia semua dia terima. Esoknya mesti dia cakap, 256, ada barang kau sampai. Terus sia giggle dalam hati. Hehehe.

Ertinya apa guys? Itu lah gunanya sia throw flower pot sama dia. Sebab tu flower adalah benda yg bagus dan bukan semua org akan bagi kau tu. It's my way untuk Kasi Keluar sisi baik dia yg orang nda nampak. Sia tau dia buli jadi lebih baik dari tu. Dia tidak sampai hati bikin sama sia gitu sebab SHE KNOWS sia pernah bikin untuk dia even more than that. Yang sia adalah kawan yg tau keburukan dia tapi still sia mau dia happy. Sia kasi tunjuk dia bahawa MASIH ADA kawan yang mau kasi menang dia dalam "kekalahan" dia. Walaupun it looks like I'm just doing an experiment tapi it's experiment yg real life and melibatkan nilai2 murni yang genuine and nda dibuat-buat. Maybe sia pun mau find out something...iaitu...

Semua manusia adalah bermula dengan BAIK. Mungkin dia dicorakkan oleh pengalaman pahit dan pengkhianatan dan dia build self-defense supaya dia boleh lindungi diri dia. TAPI sifat BAIK manusia itu, walaupun jarang2 dia kasi tunjuk, TETAP ADA nunn di dalam sana. Jadi masa2 MCO ni, sia masih contact2 dia dan kasitau dia itu ini, sebab sia tau dia nda begitu rajin baca news macam sia, dia nda buli jumpa sia untuk dapat update sehari2. But I still tidak lupa dia walaupun berjauh. Bila kawan2 yang lain nampak sia treat her macam tu despite knowing her problematic attitudes, mungkin dorang kepelikan, mungkin dorang pissed, mungkin dorang meluat, BUT dalam diam dorang dapat TELADAN yang baik. Dan trust me, satu masa nanti bila dorang berada di persimpangan sama ada mau bikin kebaikan atau kejahatan sama org yg tidak deserving di mata dorang, they might just PICK GOODNESS cos kejahatan itu terlalu common dan predictable. Mesti dorang buli datang idea gila, Eh, buat baik ja laa sama orang jahat ni. Sebab si 256 pernah buat. Mau tinguk juga apa macam kejadian, dorang fikir macam tu kali kan? Hahahaha

Cuba lah kamu buat. Bila kamu dalam dilema camana utk respond sama org yg tidak baik, instead of throwing them stone, try flower pot. Ia akan berjangkit and one day, sepa la tauuu, kau akan dapat balik bunga yang cantik dan mekar daripada flower pot tu. Ahaaa. Namau try? Try lah! Hehe

I Try Not To Miss You

Actually I'm missing someone right now. If he happens to visit my blog again and read this, I want to say something to you. I feel that it's so unfair that whenever you think of me, you can visit my blog silently; in the dark and no one had to know. While I could not reach you even for a simple Hello. I realized there are many questions the last time that I didn't bother to seek for answers. I was so overtaken by my emotion that I believed the best thing was to let go because the tighter I held on to it, the more it hurt. I know you are still visiting my blog and whenever you do, you did it for hours. I know you are still looking for the post that was written for you. You see the Search box that I put at the side of my blog? Yeah, that is for you to use cos I know you will always go back in that time when we discussed some of my funniest posts. I remember we laughed so hard about the stories I put in those old posts. You sure remember them more than those newer posts where you are not anymore involved.

I indeed have forgotten you right after you left. I have really forgotten you. It never occurred to me I could revisit you like you happened only yesterday. Seriously. I didn't know some of the memories were still stored. I read them back and I remember WHY.  WHY it was you and not someone else. You were not just to fill a void. I realize that even more than the same plot could just happen again but looks like that amount of chemistry doesn't happen all the time.

Or maybe I can still choose to end this in a bitter note. Like you are just a man and what happened was still your fault. And you deserved all those aches and agony. Don't blame me cos I have endured being patient before I totally lost it. I wished I said a goodbye. But I just let myself leave. 

Still, I miss you right now.

Covid-19, A Blessing In Disguise?

Selepas melalui tempoh Movement Control Order selama 3 sesi dan 1 lagi sesi yg akan datang, ada lagikah benda2 baru yg belum terlintas di fikiran kamu? Definitely sudah puas kita cemas, mengeluh, takut, sedih dan sebagainya. Itu understandable. Dari feeling2 negative macam tu, sampai lah ke feeling2 positive mula ambil alih, sebab begitu la banyaknya masa kita mau fikir sampaikan entah seberapa kecil zarah pun mungkin sempat lalu di fikiran kita sepanjang kita berkurung di rumah ni.

Kalau sia fikir balik rutin sia sehari-hari, memang susah sia mau squeeze macam2 benda yg I could only wish I had the time to do. Like sia mau ada masa yg selesa untuk start balik gaya hidup sihat. Contohnya kenapa la sia pi taman hari2 dan hirup udara segar, tengok pemandangan, buli keluar peluh, buli learn new dance steps yang sia pernah bikin dulu but then I got really lazy and teda masa sudah. Sebab sia sampai rumah ja mesti sia penat sudah. Nahh. Dan macam2 lagi benda yg sia tangguh sebab, Sia percaya akan ada jua masa yang ngam untuk sia bikin benda tu semua. Tapi sampai bila kan? Ndakan ada season yg sesuai when sia rasa sia mau cuti dan bikin tu semua untuk satu tempoh yg singkat. Kalau sia terpaksa off pun mungkin pasal sakit ja. But cuti sebab sakit bukan fun bah. Sengsara. So BILA? Bila la kunun masa yg kau tunggu2 tu? Hahahaha

So akhirnyaaa, sepa sangka la ada makluk ni tiba2 muncul di tengah manusia dan menyerang, menyebabkan sakit dan even maut. Bukan calang2 penangan virus baru ni.  Sekali imbas macam buruk betul virus ni. Dengan muka dia berduri2 gitu, Yaiiii.. Gali la ba juga. Hahaha. Macam yang paling ngam untuk disamakan dengan si Covid-19 ni tidak lain tidak bukan adalah HUKUMAN kepada umat manusia yang sudah jauh terpesong. Kesimpulan tu yg lebih ngam dan ringkas kan? Covid-19 ni walaupun bukan wabak yang sangat merbahaya sebab kadar kematian yg tidaklah setinggi beberapa wabak lain sebelum ni, tapi keboleh-jangkitan dia adalah tinggi. So akhirnya wujud keperluan untuk WE STAY AT HOME sebab more interaction means more infection. Kamurang tinguk ba camana ni virus yg inda pun kita nampak, buat satu dunia terPAKSA duduk rumah. Jangan pi kerja, jangan pi traveling, jangan pi lepak makan, dan so on. Imagine bahh sampai kita boleh berfikir untuk keluar rumah sebab ada roadblock yg memungkinkan kita didenda or dipenjara. So, ini cuma sebahagian dari strategi si Covid ni ja. My point is, situasi ni kita nda mau, betul? So kita terpaksa ja buat semua ni.

Tapi bila check2 balik, si Covid ni macam ambil tu satu "tong" yang penuh dengan our Wishful thoughts yang kita harap kita ada tu masa untuk bikin macam2 benda dalam life kita. Tiba2 tu Covid kasi tuang tu tong pi atas kita, it says, "NAH, kau bikin ni benda semua. Sekarang kau ada masa sudah." Kamu sedar kah camana Covid ni bikin keraja dia? Kadang2 sia terfikir juga, si Covid ni macam "Kerja Tuhan" yang cukup terancang. Dia bikin satu dunia TAKE A BREAK dan bagi kita semua masa yang kita selalu complain tu. Pada masa yang sama, pencemaran alam terhenti sebab banyak kilang ditutup, aktiviti manusia pun terhenti, practically ni Mother Earth tiba2 buli bernafas selepas kesekian kalinya! Udara jadi clear, nampak gunung nun jauh di sana. Ketara abis "setan2" yg kasi kutur dia tu berkurung di rumah! LOLS. Hahahahaha, Ok kidding. Kita suma la bah tu :P

Walaupun bukan mudah untuk fikir macam ni bila fikir berapa banyak yg kehilangan nyawa. Ndakkan la hanya untuk mau bagi kesedaran tu sama kita, dorang2 ni jadi pertukaran kan? Nda, bukan gitu. Soal tu bukan kerja kita. Kebijaksaan Tuhan seja buli jawab tu. Kalau teda kes2 fatality, mungkin kita tidaklah secemas ini. Mungkin kita tidak akan terdesak. Kalau kita tidak terdesak, kita mungkin ada pilihan untuk pandang remeh. Tapi God buat supaya kita teda pilihan.

At this point, sia sudah nampak "kerja Dia" walaupun anggap la benda2 lain yg sia nda faham tu sebab sia memang teda kebolehan untuk menjangkau sampai ke sana. Guys, in fact, sia slowly nampak kenapa sia buli jatuh sakit hari tu. Sebab apa yg berlaku pada hari ni, semuanya ada connection. Kalau sia nda sakit, sia nda begitu begini. And guess what, kalau sia sentiasa sihat, sia akan LEKA dan take my health for granted. Tiba2 masa MCO ni, sebab sia ada a bit phobia sama sakit sia tu hari, sia jadi nda berapa obsess with foods. Bukan seperti normal. Sia teda selera makan yg happy-foods tu semua. Sia lebih pentingkan dalaman sia asalkan sia feel-good, dan makanan2 tu semua sia nda tamaha. And then tiba2 muncul tu iklan Virtual Run di wall sia, yang nda pernah2 ni. So sia tiba2 terfikir juga, EH!!! Buli ka sia join ni ah? Sebab I bought an equipment last year tapi sia teda pun guna. Kenapa sia beli tu benda pun sia not sure. Tapi sia terfikir untuk beli dan kasi jadi jeruk ja di pisuk2. Hahahaha. Dan akhirnya selepas semua ni berlaku, tiba2 sia mau join tu VR and leganya sia yg sudah pernah beli equipment tu. Jauh sia fikir, Imagine bahh God punya rencana, dia mula bukan kemarin. Berbulan2 yg lalu lagi sudah dia kasi ready sia. So dengan masa yg banyak, dengan selesanya sia pelan2 bikin Wishful thoughts sia yg kununnya sia mau gaya hidup sihat. Goshh!! Tapi sia kena mention juga lah, yang setakat ni, sia pun belum begitu sure juga tapi it's "frightening" yang it's becoming more and more clear.

I should tell you guys something. Less than a week ago, sia suddenly ada satu sickness baru yg suddenly my chest shivered, ada yg time malam ja, ada sehari tu almost the whole day. Mimang sandi feeling dia. Tapi sia buat ni routine Sembayang jam 3 Divine Mercy dalam keadaan sia yg begitu. Kau percaya kaa, entah macamana tiba2 sia terfikir satu spray pewangi yang pakai timer yg kena letak di luar bilik sia? Entahh dari mana datang tu fikiran yg itu pewangi auto-spray yg sebenarnya culprit kepada masalah kesihatan sia. GOSH, sia betul2 tidak terfikir langsung sebab benda tu ada di sana maybe dalam 2 bulan dan awal2 MCO tu sia ok ja. Begitulah Tuhan tanam idea dalam kepala sia yg ITU PEWANGI adalah punca. So subuh2 tu juga sia pi panjat and off tu benda. Akhirnya malam tu teda sudah pelik2 berlaku di chest sia. Alleluia!! Nda la kita tau berapa banyak chemical berbahaya di penyembur G*adez tu. Harga baru berapa tapi bisa dia buli mengancam nyawa! Without that experience, sia nda akan tau impact dia bah sama paru2 kita. Sia thank God sebab sia yang melalui tu. Bukan sepa2 dalam family sia. Ditakdirkan benda tu diletak di luar bilik sia, dan sia la yg terkena. Sia syukur betul2 sebab teruk2 pun masa tu, Tuhan sentiasa kasi sia penawar. Bikin sia sangat risau kalau la bukan sia yg kena, macamana sia mau faham apa yg dorg lalui? Again, rencana Tuhan. 

So sekarang kes macam menunjukkan pattern penurunan, dan sia buli nampak sudah lambaian ofis sia tu. Macam sayang juga la bila ingat free time yg banyak begini yg sudah sia bazirkan. Silap2 sia buli master satu skill baru bah kalau dari awal sia mula sudah belajar. Hehe. Dan yang baiknya untuk mereka2 yg berpeluang untuk kasi keluar survival strategy dorang sebab putus pendapatan. Dorang jadi kreatif, inovatif, berikhtiar dan berusaha untuk cari duit bikin COD, terima tempahan itu ini, teroka bidang baru, belajar skil baru, wahhh, sia betul2 inspired dengan dorang ni. Syabasss untuk dorang semua. Sia tidak bikin gitu sebab kerja sia masih buli bikin di rumah walaupun nda semua.

Last but not least! Masa bersama family. Kalau sia tinguk family brother sia, sejak kebelakangan tu, dua2 selalu merayau dengan urusan masing2. Masa MCO ni, dorang sentiasa ada di rumah. Sia percaya problem sama marriage dorang pun dorg sudah sort out sebab they have the time to communicate and spend more time with each other. We have time to relax, rest, berlengah-lengah, tidur lebih, dan teda lagi tu keluhan2 overwork sampai malam. Covid kasi kau lesen untuk Jangan Kerja, Berehatlah!! Hahahaha

Sia harap kamu nampak apa yang sia cuba sampaikan. Pandemik bukan satu perkara baik bah, I know. Tapi kita manusia ni pun bukannya baik sangat. Kena ada cara licik mau tangani kita nda bukannya dengan cara biasa2. Covid ni satu bala-tentera yang disuruh ba ni. Sebab kalau disuruh lembut2, teda sepa mau dengar. Jadi dengan sisa2 MCO yang masih ada ni, kita guna la tu masa dengan sebaiknya. Kamu patutnya nampak "mainan" dia di situ. Masa MCO ni kau akan rindu satu masa nanti. Dan sia percaya, bila MCO berakhir nanti kita bukan lagi individu yang berfikir dengan cara yg sama. Kita sudah kena brainwashed kaw-kaw sepanjang MCO ni dengan berita2 yg mengejutkan, ditambah lagi dengan berita2 yg palsu. Hahahaha.

So sia harap kita ringankan hati untuk lebih menghargai masa ni. Sia mau kita semua sihat, dijauhi dari jangkitan dan diberikan kesembuhan untuk setiap kesakitan. Sama2 la kita lalui ni dengan hati yg positif. Ada perkara baik yg menunggu kita di depan tu. I'M SURE. Have faith, guys.

About The Guys I Didn't Mention

If one day kamu kena tanya pasal some history of your life, particularly about the guys whom were special to you. Kamu rasa2, kamu ada problem remembering them? Kamu ingat semua or maybe adaka yg tercicir dari list? Hahahaha

So last nite when a friend asked me about the guys in my life, I only mentioned a few. In fact I forgot some name from the list. Only a few ones that I could not forget. But I must admit that among those that I have named, I did not mention a few others who left a mark in my life, who made me smile, and who worth mentioning too  but they were left out of the list because "they only dropped by". Maybe lasted for a few good months, few months but good tho they didn't last.

So to you guys, have you ever become in that list yang "tidak kena mention" sedangkan kalau kamu teropong dalam hati tu pompuan, actually kamu mungkin antara org yg paling dia ingat. Bila sia fikir2 about these guys who had talked to me, and talked about the possibility of being a match to each other tho most of them might just come out of the blue and not more serious than a fling, I said to myself yang, "buli tahan juga sia o kan" Hahahahaa. I mean, dalam pada kau tidak pernah mengaku yg kau mata keranjang, bagus kau akun seja lah. Hahahahahaha. Ok kidding. 

So it was fun actually bila mengimbau masa lampau yg tidak akan datang lagi. Luka yg ada pun sudah makin sembuh. Tapi kan guys, macam hayat kita ni belum tau berapa lama kan, sampai bila juga kita mau simpan sakit tu kan? Umur-umuran begini adalah umuran yg berpijak di alam nyata, no more teletubbies stuff for us. Apa yang sudah lepas tu tetap ada dalam buku teks sejarah hidup kita tapi apa wisdom yg kita kutip dari tu semua yg penting! Apa pun kesilapan kita, ketidaksempurnaan kita, kita cuma cuba untuk bahagia kan? Betul kan? So ndapalahh. Sia sendiri pun mungkin ada masuk dalam list yg "nda kena sebut" tu. Sia tetap rasa yang itu adalah bukti yg sia hidup dan sentiasa mencari bahagia juga. Walaupun bukan sentiasa betul caranya, tapi niat tu adalah sesimple tu ja. 

Anyway, since kita terlampau free masa2 MCO ni, maybe we have time for some memory recall and revising back some of history book. The history book of our lives :) I wish you guys health and happiness. Lets do our best to live the times in "custody" for the betterment of the whole nation. Have faith, peeps!

"The Lonely People"

During this Movement Control Order (MCO), we have to get stuck in the house. Most families are together, good for them. But there are also situations when they have to be apart because of the restriction. They can't just cross-district when they want. So for those who are stuck inside the house with their partner, at least you don't have to worry cos they are near you. But of course other issues might surface like more arguments about money, kids and other things. But at least, rest assured they both will do anything to fix their problems together. 

But now think about the singles, the divorcees, the single parents, the brokenhearteds, or those who are separated by distance, how are they gonna cope with being stuck at home with no one to talk (or argue) with? Lucky now that we have the internet. Still, not all have that someone to talk with to pass all the hours in a day.

Maybe we have experience coming across "the lonely people". When we once thought someone really loved and cared, when actually they were just Lonely. Maybe you are that lonely person who finds comfort in someone just for temporary relief. You just want to fill your time. You just want to share some laughter so that you are not lonely. And nothing more. Lets say, your lonely season is over, suddenly you are not available anymore. So, do you think this is fair to your victim of loneliness? Or maybe you want to taste your own medicine when one day you become that victim too?  

Anyway, before you do anything, please consider both sides. Not just you but also the victim of your loneliness. Lets not use loneliness as an excuse to waste someone's time and play with their feelings. They are humans too. I mean, our time is running out, right? Who wants to be lonely but please have some decency. You are responsible for it and don't drag an innocent creature just to dump them afterwards. Also, to all of you, also avoid from becoming the victim of these lonely people. When their presence is seasonal, it's not a good sign. The sincere ones will care about you without seasons. 

So everyone, alone doesn't mean lonely. Find stuff to enjoy instead of people. You might mistakenly send the wrong signal when actually you are just lonely. Don't and stop doing that. Enjoy life without hurting more hearts. Keep people's heart safe from your loneliness. And I do wish and hope all the lonely people will find what they sincerely want in their lives so they are no longer lonely for the rest of their lives, not just for a season ya? Behave everyone!

When You Find A Woman Like Her...

So I just watched Memories of the Alhambra about 2 days ago and apart from the review I made on Fb, I'd like to highlight something else. Yeah it was scripted and all, but still, you still could find something like that in real life. Something? What Something? I mean Someone.

Hyun Bin played Jin Woo in this drama. He was pretty messed up despite being a CEO of a big company. But his life was so tearing apart. First, he was being revengeful to his close friend and ended up killing him for real tho he didn't mean to because the fight happened inside a augmented reality game. Then he went thru a divorce procedure with his new wife when his ex wife was married to the friend that he mistakenly killed. Then the reality game started to drag him even further into the mess when the friend he killed in the game kept returning to kill him and he was the only one who could see him. So Jin Woo's life was all over the place. He lost control of his job as the CEO because he was busy protecting his life. People thought he went crazy. And the woman in the story, Hee Joo played by Park Shin Hye, the sister of the boy who invented the game that Jin Woo's company wanted to buy. Again, just when Hee Joo thought that Jin Woo was so kind for buying her run-down hotel for 10 billion won, she later found out that Jin Woo was tricking her because what Jin Woo wanted was not the old hotel but actually the ownership of her brother's game. Errr, are you with me? Hahahaha. Okay before this gets complicated, lets make this straight.

I mean, Jin Woo was a hopeless man in Hee Joo's eyes at that point. When Jin Woo fell from 6th floor at Hee Joo's rundown hotel, he had his leg permanently injured. I mean he was a man with a limp, and people thought he was crazy because he kept running away from something people couldn't see and telling things that didn't make sense, he basically had nothing at that point. Still, Hee Joo decided to stay back and look after him. She did not give up on him. In many occasions, Jin Woo kept finding her to be the only one who believed in him although she didn't have the reason to do that. In fact, it took a while before Hee Joo actually knew the story behind his messed up life. But unlike others, she believed in him.

Guys, let me tell you. Park Shin Hye as Hee Joo made me realize something. That sometimes, you have this one person in your life, that is always your cheerleader since the beginning. You don't necessarily think about this person but she's always there when you need her. Her character reminds me that girls do become Hee Joo to some lucky man. They just stick to that one man despite having many reasons to hate him. Women are like that. When they like you, they will find reason to forgive you and they don't easily give up on you. Just like Jin Woo, sometimes you don't feel like you can love this woman but when you see that repeatedly she forces herself to be there even when you are reluctant, garsh, How can you ignore this woman?

As a woman I am, even I myself feel so fluttered to see another woman does this to a man. So men out there, don't tell me that you don't have eyes to see. If you find this one woman, to gotta grab her and not let her go. I know some women with impressive endurance. Her man can do all kind of stupid stuff and she never leaves her side. I won't say she's right to do that. Sometimes she's just plain stupid but that's what love does to a woman.

Ah, the bigger question I ask myself was, "Can I ever be that woman to a guy?" Because watching Hee Joo how she got scolded and how Jin Woo asked her to leave him alone, she did not leave. She stayed and waited until he woke up. I said to myself, In reality, I must love that guy too damn much before I could go that far. What could a guy do to earn that much love? Ok stop there. Leave the complicated people aside.

Now, please, count yourself lucky and blessed when you find a woman like this in your life. She can be 100 times better than a woman that you love but doesn't love you as much as this one woman who can do all that things for you. Think about it.