T.I.R.E.D

Source: Google images

Kamu pernah ka tiba2 rasa fed up sama benda yang kamu sudah bikin bertahun? Kalau dulu, sia biasa cakap yang kalau kau buli tahan satu tahun, tidak mustahil kau buli tahan 10 tahun lagi. Macam juga peralatan yang kita guna sampai sekarang, benda tu kau guna bertahun-tahun dan masih bagus. Nda pandai rusak2. Kali tinguk, duluan lagi kau fed up guna tu benda daripada dia sendiri rusak. Ndaka sandi tu? Macam ada satu benda ni, sia tunggu2 dia rusak supaya sia ada alasan mau cari yg baru, tapi nda pandai rusak. Tapi still, sia fed-up, sia tired. Sebab sia sudah guna benda tu selama bertahun-tahun. Dia sudah tolong sia kasi siap banyak kerja. Tapi, one day I just realized that I'm tired using it. I want something yg lebih bagus, lebih jimat masa dan tenaga. Then from there buat sia terfikir. Kenapa mesti sia rasa tired? Bukankah sia sangat acknowledge dan appreciate kelebihan benda ni yang sudah tulung sia bikin banyak benda? Kenapa mesti sia rasa tired pula? Nda bikin spoil ka tu? Buli ka sia reverse balik tu feeling tired sia tu? Buli ka sia UNDO dia? Buli ka sia masih suka guna benda tu like I never got tired of it? 

Actually, sia buli dikatakan tegar juga sebab orang lain mungkin lagi awal tired dari sia. Sia ambil masa bertahun-tahun, maybe 7 years oh. Punyalah lama. Tapi that thing still working well. Sia macam teda alasan mau beli baru. Kalau still beli, macam membazir. I don't like membazir dalam sedar. But I'm tired bah.  Adakah sia cuma fulfill prophecy yang Manusia memang nda pernah cukup? Uiii...don't eh. Sia offended kalau kena cakap gitu. You know why? You have any idea meh apa yang sia went thru? So macam nda ngam urg simply throw at me, 256, kau mimang nda tau bersyukur!!! Hoii, banyak cantik cakap sia gitu o kan? LOLS

Tapi bila sia end up rasa tired, baru sia ingat yang sia ada limit juga. Sama macam baju2 sia yang sia pakai pi kerja. Masih bagus2 dan cantik2. Tapi sia nda mau pakai lagi. Sia tired. Sia elak pakai yang tu, pakai yg ni, padahal still looks good macam berapa tahun yg lalu. Maybe sia mau try something new. Sia mau look different biarpun tidak nice macam dulu, but new and different. Kenapa juga manusia jadi begini ah? Sia pun naik heran ni. Bulikah si 256 jan cari pasal? Teruskan kehidupan dan jangan la complain itu ini. Tired lah, fed up la, uii apa masalah oh? Bagus2 begini, cari pasal lagi. Now nda pasal2 sia restless mencari ganti. Sia browse online shopping mau cari alternative. Yang lebih canggih dan lebih bagus dari yang lama. Padahal yg lama tu sentiasa setia di sana, bila2 masa sia perlu, memang dia akan bikin kerja dengan bagus, cuma taking more energy to use it lah. But sia sudah tahan guna dia mau 7 tahun, kenapa nda alang2 kasi cukup 10 tahun baru buang tebiat kan? Hahahahahaha

Ni lah manusia ni. Tapi sia cakap sama diri sia, it's okay 256. Sebab sia pernah nampak kawan2 sia yang TIRED dia lagi serious. Sampai bab2 mau tukar kerja. Tiba2 dia pusing 180 degree. Pasal dia sudah tired bikin bidang tu. Padahal bidang tu kasi dia rezeki berbelas tahun. Sampai dia buli balik kampung cuti 2 minggu tanpa ada income. Sia ndamau jadi macam tu. Sebab I love my job yang tidak seberapa ni. But I love it. Yang jadikan kerja sia hebat adalah Passion sia. Paling susah mau kill tu passion yang authentic punya. Bukan buat2. Bukan paksa2. Jadi sia nampak kawan2 sia TIRED sebab maybe bukan itu passion dorang yg sebenar. Dorang terpaksa bikin tu kerja sebab itu seja yang dorang berpeluang untuk bikin. Jadi dorang sudah cukup tahan dan sabar. Tapi still, akhirnya dorang TIRED juga. Sia terrified tengok orang yang sudah tired ni. Dorang bikin benda pelik yang kau pun not sure dorang sudah fikir masak2 or not. What if, separuh jalan dorang TIRED lagi? Bah, sepa buli jangka masa depan kan? Manusia, you are so pelik.

So at least, sia tired pun terhadap peralatan ja. Palis2 minta dijauhkan. Sia belum mau tired lagi bikin kerja sia. Banyak lagi sia mau bikin. Tapi usia kita kan makin meningkat. Logik juga kita tired dan mau explore possibility tu dengan lebih banyak. Kalau kita nda tired kita akan stuck di situ ja. Mesti mau tired dulu untuk buka adventure baru. Or else we don't have the reason and drive to shift. Betul ka nda?

Mudah-mudahan sia akan tired sama phobia sia. Sia akan tired sama kecengengan sia. Sia akan tired sama sikap penyemak sia. Hehe. Banyak benda yang sia layak untuk tired. Maybe I just allow myself to be tired. But rest assured sia akan consult myself once again, fikir bagus2, if this is the kind of Tired yg membawa kebaikan. Ya, ngam. I'd do that.