Photo Day 21

My customer belanja me again. You know what? Usually orang2 yang berat bebanan hidup yang lebih pemurah. Dorang masih buli pikir mau bagi sia makanan macam2 sedangkan baru ja kami lepas bercakap pasal kepayahan hidup dorang sehari-hari. Sudahlah dorang puasa, and then maybe dorang mau lebih pahala di bulan Ramadan ni so dorang "bersedekah" la sama sia yang tidak puasa ni, macam sia rasa bersalah dan tidak layak dibelanja. Bagus betul dorang kan. Kalau sia fikir balik2, well, maybe ada juga masa yang sia nda berkira sama dorang, mau tolong kasi senang kerja dorang dan sebagainya, but sia betul2 tidak anggap itu hutang dorang sama sia. Sia anggap selesai tu hal pada masa kejadian. But kalau sia mau cari apa2 reason why, itu ja yg sia terfikir. Benda2 lain sia tidak layak sama sekali untuk dibelanja. Anyway thank you ah. Macam sia kena kasi emas ja everytime sia kena belanja oleh orang yang sia tidak sangka2. Cos sia ni bukan jenis suka minta2 orang belanja tapi sia pun bukan jenis yang suka belanja orang. Tu la sia sakap sia nda layak dibelanja. Tau takpe. Hahahahaha